Quercus stenophylloides HAYATA sp. nov.

Arbor. Rami cinerei longitudinaliter rugulosi, cicatricibus minutis remote notati. Folia coriacea ovato-oblonga vel ovato-lanceolata 9 cm. longa 3 cm. lata apice acuminata rotundata obtusa vel acuta margine basi apiceque integra caeterum aristato-dentata, (dentibus 1 cm. a se remotis late brevissime triangularibus latere inferiore 1 cm. longis latere superiore 1,5 mm. longis ascendentibus sursum ± recurvis aristatis, aristis 1 mm. longis obtusis ± superiore recurvis), supra nitida in exsiccato subrubescentia vel subviridescentia subtus glaucissima, costis venisque supra tenuiter sulcatis vel planis, subtus costis prominente elevatis venis tenuiter sed distincte elevatis gracillimis, venis primariis lateralibus utroque latere costae 10-11 subrectis, mediis a costa angulo 45° egressis prope marginem subarcuatis ad apicem dentium attingentibus, venulis supra minute reticulatis subtus haud vel vix visis, petiolis 1,5 cm longis gracillimis semiteretibus intus subplanis vel late sulcatis. Cupula praematura obconica 8 mm. longa 11 mm. lata ore vix vel haud contracta sessilis extus villosa, lepidibus (bracteis) connatis spiraliter 5-annulatis, annulis a se 2 mm. remotis margine denticulatis, denticulis truncatis dense villosis. Glans conico-globosa matura non visa.